TAL Apparel

ከእኛ ጋ ሲሠሩ ልብስ ማምረት ብቻ ሳይሆን ከዚያ ለበለጠ ነገር አስተዋጽዖ እያበረከቱ ነው፡፡ ከፍተኛ ጥራት ያላቸውን አልባሳት ዘላቂነት ባለውና ሥነ-ምግባርን በተላበሰ መንገድ የማምረት ተልዕኮአችንን ሲቀላቀሉ በአልባሳት ምርት ኢንዱስትሪውና ዓለም ዘላቂነት ባለው መንገድ ራሱን በሚያለብስበት መንገድ ላይ አዎንታዊ አሻራ ያሳርፋሉ፡፡ አብረን በመሥራት በእያንዳንዷ ስፌት ልዩነትን እንፍጠር!

የሠራተኞቻችን እድገትና መጎልበት ቅድሚያ የምንሰጠው ጉዳይ ነው፡፡ እኛን ሲቀላቀሉ በተለያዩ የሥራ ክፍሎችና ሚናዎች ወደ አመራር ኀላፊነት የሚያድጉበትና ቀጣይነት ያላቸውን የሥልጠና፣ የአልኅቆትና የሥራ ዕድገት ዕድሎችን የሚያገኙበት መሥመር ተመቻችቷል፡፡ ወደሥራው ዓለም አሁን እየገቡም ይሁን የሚቀጠለውን እርምጃ ለመወሰድ እያሰቡ ከሆነ የፕሮፌሽናል ግቦችዎን እንዲያሳኩ ለመርዳት ዝግጁ ነን፡፡ ታል ለሰው ሀብቱ ያለውን ሙሉ ምስል በመረዳት አብረውን ይደጉ፣ ዕምቅ አቅምዎን አሟጠው ይጠቀሙ፡፡

ሁለንተናዊ ደኅንነትዎ ተቀዳሚ ትኩረታችን ነው፡፡ ለሥራ ቦታ ደኅንነት አጽንዖት በመስጠት ጥብቅ የደኅንነት ፕሮቶኮሎችን በሥራ ላይ ከማዋላችን ሌላ የሠራተኞች አካላዊ፣ አእምሮአዊና ስሜታዊ ጤንነት መጠበቁን ለማረጋገጥ ልዩ ልዩ ሥልጠናዎችን እንሰጣለን፡፡ እኛን በመቀላቀል ተወዳዳሪ ጥቅማ-ጥቅሞችን፣ ሚዛናዊ የሥራ እና የግል ሕይወት ፣ እንዲሁም ለጤናዎ፣ ለደስታዎና ለአጠቃላይ ደኅንነትዎ ድጋፍ የሚሰጥ የሥራ ቦታ ባሕልን ተጠቃሚ ይሁኑ፡፡ እንደ ታል፣ ድርጅቱ የሚያብበው ሠራተኞቻችን ሲያብቡ እንደሆነ ነው የምናምነው፡፡

ታል፣ እርስ በእርስ የሚደጋገፍና ብዝኅነት ያለው በትብብርና በቡድን ሥራ የዳበረ የሥራ ከባቢ ያለበት ድርጅት ነው፡፡ እኛ ጋ ብዝኅነት ትልቅ ሥፍራ አለው፤ እያንደንዱ ድምፅ ሊደመጥ ይገባል የሚል እምነት አለን፡፡ እያንዳንዱ ሰው እንደሚደመጥና ዋጋ እንደሚሰጠው የሚያምንበት የግልጽነትና የመተማመን ባሕል እንዲዳብር እንጥራለን፡፡ ልዩ ልዩ ግን ለፈጠራና ለልኅቀት ያላቸው ስሜት ያገናኛቸውን የተካኑ ሰዎችን ይምጡና ይቀላቀሉ!